DSH-Deutsche Sprachprüfung für den Hochschulzugang

Герман улсад их дээд сургуулиудад суралцахад шаардагдах хэлний мэдлэгийн түвшин хийгээд хэлний бэлтгэлийн талаар өөрийн мэддэг болон, олж цуглуулсан мэдээ мэдээллээ би өнөөдөр та бүхэндээ хуваалцъя.

1). Герман хэлэндээ ус цас хүн хэлний бэлтгэл хийхгүйгээр бүртгүүлж уригдсан сургуульдаа шууд элсэн орж сурч болно. Ийм хүмүүс DSH 2, DSH 3, DSD II эсвэл C2 түвшний мэдлэгтэй ба эдгээр сертификатуудын аль нэгийг эзэмшсэн байна.

2). Германд хэлний бэлтгэлд/курст суухгүй харин зөвхөн DSH шалгалтаа германд ирээд өгөх бол C1 түвшний мэдлэгтэй байх шаардлагатай

3). Нутагтаа 600 цаг герман хэл үзсэн, B1түвшиний гэрчилгээтэй, B2 түвшний курст одоо явж байгаа гэсэн тодорхойлолттой бол; мөн Монголдоо их дээд сургуульд доод тал нь 4 семестр бүрэн гүйцэт сурсан бол германд бүртгүүлсэн сургуулиас чинь DSH-д бэлтгэх хэлний курстэй урилга ирнэ.

4). 400 цаг герман хэл үзсэн, В1 түвшний гэрчилгээтэй бол; мөн Монголдоо их дээд сургуульд 2 семестр гүйцэт сурч төгссөн бол германд бүртгүүлсэн сургуульдаа Studienkolleg-т нь хэлний бэлтгэлээ хийнэ.

Өнөөдөр DSH-ийн тухай бичье.

DSH= Deutsche Sprachprüfung für den Hochschulzugang- Их дээд сургуульд элсэн орох герман хэлний шалгалт.

Хэлний бэлтгэлээ DSH-д хийхийг DSH Vorbereitungskurs гэдэг ба оюутнууд ирээд эхлээд Aufnahmetest буюу түвшин тогтоох шалгалтанд орно. Энэ шалгалтыг авсны дараа таныг Mittelstufe (B2)- Дунд шат юмуу Oberstufe (C1)-Ахлах шатанд хуваарьласнаар хэлний бэлтгэл чинь эхэлнэ. Шат бүр нэг семестр үргэлжилж Oberstufe төгссөний дараа төгсөлтийн шалгалт- Abschlusstest болох DSH-Prüfung авна.

DSH-Prüfung нь бичгийн ба аман шалгалтаас бүтнэ. Бичгийн шалгалт нь 4 цаг хүртэл (+завсарлага=бараг 6 цаг)үргэлжлэх ба Сонсоод бичих, Уншаад бичих, Зохион бичих гэсэн хэсгүүдээс бүтнэ.

Аман шалгалт нь 15-20 минут үргэлжилнэ.

Шалгалтын дүн:

DSH 1: Аман болон бичгийн шалгалтын нийлбэр дүн доод тал нь 57%

DSH 2: Аман болон бичгийн шалгалтын нийлбэр дүн доод тал нь 67%

DSH 3: Аман болон бичгийн шалгалтын нийлбэр дүн доод тал нь 82%

schriftliches Ergebnis Бичгийн шалгалтын дүн	mündliches Ergebnis Аман шалгалтын дүн	Gesamtergebnis Нийлбэр дүн
nicht bestanden- Тэнцээгүй (57%-с доош)	entfällt- Шаардлагагүй	nicht bestanden- Тэнцээгүй
DSH 1	nicht bestanden	nicht bestanden
DSH 2	nicht bestanden	nicht bestanden
DSH 3	nicht bestanden	nicht bestanden
DSH 1	DSH 1	DSH 1
DSH 1	DSH 2	DSH 1
DSH 1	DSH 3	DSH 1
DSH 2	DSH 1	DSH 1
DSH 2	DSH 2	DSH 2
DSH 2	DSH 3	DSH 2
DSH 3	DSH 1	DSH 1
DSH 3	DSH 2	DSH 2
DSH 3	DSH 3	DSH 3

Цаашид их дээд сургуульд элсэн суралцахад DSH 2 юмуу DSH 3 шаардлагатай байдаг. Хэрэв энэ түвшинд хүрэхгүй бол курсээ дахин давтаж DSH Шалгалтыг дахин өгч болно.

DSH курсын 1 семестрийн төлбөр дунджаар 300 евро

DSH Шалгалтын төлбөр сургууль бүрт өөр өөр (40-150 евро) байна.

Quelle:

www.dkfa.de
www.wikipedia.org
www.fu-berlin.de
www.uni-greifswald.de